«Күй күмбірі»

Мектебімізде ұлттық құндылықтарды дәріптеу мақсатында 22 Наурыз мерекесі аясында жыл сайын дәстүрлі түрде өтетін «Күй күмбірі» атты челлендж бұл жолы да жалғасын тапты. Бұл игі шараға мектебіміздің домбыра үйірмесіне қатысатын дарынды оқушылар белсене қатысып, қазақтың қасиетті домбырасынан төгілген күйлер арқылы көрермендерге ерекше рухани әсер сыйлады.

Шара барысында оқушылар халық күйлері мен белгілі күйшілердің шығармаларын орындап, ұлттық өнердің тереңдігін көрсетті. Домбыраның күмбірлеген үні мен күйлердің сырлы әуені мерекелік кештің ажарын аша түсті. Әрбір орындалған күй көрермендерді ұлттық өнердің құдіретін сезінуге жетелеп, қазақ халқының бай мәдени мұрасын тағы бір мәрте танытты.
​https://www.instagram.com/p/DV8YvUYjODo/​​​