«ДУБЛЕР КҮНІН» қорытындылау

Мектебімізде ұстаздар күні мерекесіне орай 5 қазан күні “Мектептің жаны - мұғалім” атты тақырыпта оқушыларды жалпы адамзаттық құндылыққа бағыттайтын өзін-өзі басқару жұмысын жандандыру, тұлғаның көшбасшылық қасиеттерін ашу және білім алушылардың ұйымдастырушылық қабілеттерін іске асыру мақсатында «Дублер күні» өткізілді. Аталған шараға мектебіміздің оқушылары ерекше қызығушылық танытты. Мектеп әкімшілігі мен пән мұғалімдерінің рөлін 9-11 сынып оқушылары атқарды. Бұл күні оқушылар жауапкершілікті сезініп, өздеріне жүктелген міндеттерді толығымен орындап, оң әсер алды.Ұстаздық қызметтің қиындығы мен қызығы туралы өзара пікір алмасты. Белсенділік танытып жоғары жауапкершілікпен жұмысын атқарған білім алушылар мақтау қағазымен марапатталды.