Рамазан Стамғазиевпен кездесуге барды

№6 Оқушылар үйінің ұйымдастыруымен 2 ақпан күні Қазақстанның еңбек сіңірген әртісі, «Құрмет» орденінің иегері Рамазан Өмірәліұлы Стамғазиевпен кездесуге мектебіміздің 7 «Ә» сыныбының 22 оқушысы барып, қайтты. Қазақтың халық әндері мен дәстүрлі әндерін кеңінен насихаттап жүрген әнші өз өмірі мен шығармашылығы туралы баяндады. Кеш барысында Түрксіб ауданының дарынды оқушылары өз өнерлерін көрсетті. Оқушылар дәстүрлі өнер иесіне көкейлерінде жүрген сұрақтарын қойды. Рамазан Стамғазиев қазіргі таңда орындаушылық пен ұстаздықты қатар алып жүргенін айта кетті. Кеш соңында оқушылар Рамазан ағадан қонақ кәде сұраған еді. Өнер иесі  «Дүние» мен «Қапездің қоштасуын» қара домбырамен орындады. Естелікке фотосуретке түсіп, қайтты.