«Адал ұрпақ» ерікті мектеп клубының қараша айы бойынша есеп
Д.Бабаев атындағы №115 жалпы білім беретін мектептің
«Адал ұрпақ» ерікті мектеп клубы
Қараша айы бойынша есеп
Сыбайлас жемқорлыққа қарсы іс-қимыл бойынша «Адал ұрпақ» ерікті мектеп клубының мүшелерімен 9 қараша күні «Біздің таңдауымыз-заңды мемлекет» дөңгелек үстел өтті.
«Адал ұрпақ» ерікті мектеп клубы 3 бағытта жұмыс жүргізеді: сыбайлас жемқорлыққа қарсы ақпарат және шығармашылық, сыбайлас жемқорлыққа қарсы білім, мәдени-көпшілік іс-шаралар. Жемқорлыққа қарсы тұру – Қазақстан саясатындағы аса маңызды стратегиялық басымдықтың бірі әрі бірегейі. Өсіп келе жатқан жас ұрпақтың бойында жемқорлыққа қарсы мәдениет қалыптастырудың үлкен орын алатындығы айтпаса да түсінікті. «Адал ұрпақ» ерікті мектеп клубтарын осы тұрғыда оқушылар бойында жемқорлыққа қарсы көзқарас қалыптастыратын, құқықтық сана мен мәдениеттің деңгейін арттыратын ерікті бірлестік ретінде қабылдауға болады. Бұл қозғалыс мектептердегі жемқорлықа қарсы мәдениетті қалыптастырып қана қоймай, құқықтық білімді де кеңінен насихаттайды.
Осыған орай «Адал ұрпақ» ерікті мектеп клубының мүшелерімен 9 қараша күні кезекті айына бір рет өткізілетін отырыс өтті. Оқушылармен «Біздің таңдауымыз-заңды мемлекет» дөңгелек үстел ұйымдастырдық. Оқушылар еліміздің Конституциясы, Бала құқығы туралы заңдарға соңғы жылдары енгізілген өзгерістерге тоқталып, ой-пікірлерімен бөлісті. Оқушылар заңды және демократиялық мемлекеттің ерекшеліктеріне басымдық берді. Оқушыларға аға тәлімгер Ә.М. Мұрапбаева презентация көрсетіп, оқушылармен пікір алмасты. Оқушылар кезекті отырысты асыға күтетіндерін айтты.
"Саналы ұрпақ" жемқорлыққа қарсы бағыт жобасына арналған ақпараттық бұрыштың ақпараттары жаңартылды. Оқушыларға «Саналы Ұрпақ» жобасының мақсат-міндеттері мен ұранымен таныстырылды.
«Жемқорлыққа жол жоқ» тақырыбында 9 сыныптарға тәрбие сағаты өтті. Мақсаты: оқушыларға «Сыбайлас жемқорлық» деген түсініктің не екендігін түсіндіру, пайда болу жағдайлары туралы түсінік қалыптастыру. Өз көзқарастарын білдіріп, дүниетанымдарын кеңейту. Өз ойларын еркін жеткізе білу қабілеттерін дамыту. Өз мемлекеттеріне жауапкершілікпен қарауды үйрету және әділдікке тәрбиелеу.
ДТІЖО: Омирзакова А.Б.
Аға тәлімгер: Ә.М. Мұрапбаева
