Диплом
22- сәуір күні Түрксіб ауданы №6 Оқушылар үйінің ұйымдастыруымен
« Балалар жылына» орай өткен «Түрксіб аруы - 2022» байқауы ұйымдастырылған болатын.
Байқаудың мақсаты мен міндеттері:
Қыздар арасында ұлы қазақ халқының ғасырлар бойы келе жатқан мәдениеті мен
өнерін, салт-дәстүрін дәріптеу.«Қызға қырық үйден тыйым»,- демекші қыз баланың қандай инабатты,парасатты болу керектігін осы байқау арқылы көрсету, бағытбағдар беру. Ата-баба дәстүрін насихаттау, патриоттық рухта тәрбиелеу.
Ұлтымыздың уызын, нәрін, сәнін бойжеткендеріміздің бойына сіңіру, эстетикалық тәрбие беру арқылы қыздардың әсемдікке, көркемдікке деген сүйіспеншіліктерін арттыру.
Сайыстың кезеңдері:«Мен қазақтың қызымын» (өзін-өзі таныстыру) 2 минут.(ұлттық киімде болу міндетті болу міндетті.)
- «Өнерлі өрге жүзер» (өз өнерін көрсету: ән, би т.б) 3 минут.
- «Білімді мыңды жығар» интеллектуалды сайыс.(Қазақстан тарихы, салт-дәстүр, мақал-мәтел) 1,5 минут.
- Кеш киімі көрсетілімі(1минут). Әдемі гүл шоғы. (Букет)
- Қызықты қолөнер. (қолдан жасаған кез келген бұйымды әкеліп, оны қорғау)3 минут.
Мектебімізде ұйымдастырылған «Қазақ аруы- 2022» байқауынан бас жүлдеге ие болған- Нұрдаулетқызы Ақерке аудандық байқауға жолдама алған болатын.Аруымыз сайыстың кезеңдерінен жоғарғы балл жинап,топ қыздардың ішінен өзінің білімімен, сұлулығымен,өнерімен тәнті етіп, I орынға ие болды. Марапатың құтты болсын Ақерке! Жеңісті күндерін көп болсын!
