«Тілім менің- ертеңімнің сәулесі» атты онкүндіктің ашылуы

«Тілім менің- ертеңімнің сәулесі»  атты онкүндіктің ашылуы

Мақсаты: Оқушылардың өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту. Ана тіліміздің тұғырының мықты болуына негіз ұалаған бабаларымыздың өсиетін ұран ету, қазақ тілінің мәртебесін көтеру. Қазақстан мемлекетінде тұратын барлық халықтардың тілдерін құрметтеу.

Апталықтың онкүндік жоспарымен бірлестік жетекші Аяулым Қайырбекқызы таныстырып өтті. Сонымен қатар қазақ тілі мен әдебиеті пәні мұғалімдері, аға мұғалім,  зерттеуші - ұстаз  Бақыт Тұрсынмаметқызы мен шебер-ұстаз  Мейрамгүл Барқазатқызы сөз сөйлеп, тіл мерекесімен білім алушыларды құттықтап, сәттілік тіледі. Апталықтың ашылу салтанатына  5-сынып оқушылары белсене қатысып, тіл туралы ән мен ақын-жазушылардың өлеңдерін оқыды. Тіл – ұлттың жаны, халықтығының асыл белгісі, намысы, тыныс тіршілігінің көзі, Ата Заңымен қорғалатын, еркіндігінің үні. Оны құрметтеп, қорғау, келешек ұрпақтың басты парызы. Аспанымыз ашық, заманымыз тыныш, тіл мәртебесі биік болсын!