1 сыныпқа қабылдау туралы мәлімет

Д.Бабаев атындағы №115 жалпы білім беретін мектепте биылғы оқу жылында 1 сыныпқа қабылдау құжаттарын egov.kz арқылы 96 оқушы, ал қағаз арқылы 8 оқушы тіркелді. Негізгі білім беру ұйымдарында бірінші сыныпқа 6 жасқа толған балалар және ағымдағы жылда 6 жасқа толатын балалар қабылдануда. Бірінші кезекте өз аумағымыздағы тұрғындардың балаларының құжаттары қабылданды. Былтырғы оқу жылымен салыстырғанда айырмашылық жоқ. 7 тамыздан бастап ақысыз жазғы мектептер жұмысын бастайды. Оған ата-аналардың қалауы бойынша мектепке дейінгі мекемелерде болмаса немесе мектепалды даярлықтан өтпеген балалар және ата –ана қалауы бойынша келген балалармен бейімдеу жұмыстарын жүргіземіз. Биылғы оқу жылында мектепалды даярлық сыныбына да балалар қабылдап жатырмыз. Қазіргі таңда мектепалды даярлық сыныбына 18 оқушы қабылданды.