«Мектеп автобусы»

«Мектеп автобусы» жобасы қала әкімі Ерболат Досаевтың бастамасымен Алматыда алғаш рет жүзеге асырылуда.
Алматы қаласы бойынша мектепке жетуі қиын оқушыларды тасымалдау үшін 100 мектеп автобусы сатылып алынды. Биылғы жаңа оқу жылында сол автобустың біреуі біздің мектебімізге берілді. Ата-аналардың өтінішін қарастыра отырып, мектеп директоры Чорманова Алия Сбанқұлқызы осы жобаның іске асырылуына ат салысты.Бұл балаларға арналған қоғамдық көлік тек «Маяк» ықшам ауданында тұратын білім алушыларға тиесілі.
Автобустар халықаралық қауіпсіздік стандарттарына сай, оларда авариялық шығу жолы, қауіпсіздік белдіктері, мүмкіндігі шектеулі балаларға арналған пандус және т.б. бар. Балалар мұғалімнің қарауымен және балаларды тасымалдау ережелеріне сәйкес тасымалданады.