8 «Б» сынып оқушысы Сақтаева Аружан «Қазақстандық - жас патриоттар академиясының» куәлігі мен сертификаты және төсбелгісімен марапатталды
«Д.Бабаев атындағы №115 жалпы білім беретін мектептің» 8 «Б» сынып оқушысы Сақтаева Аружан Түркістан облысының Түркістан қаласында өткен «Патриотизм – терең білім мен еңбекқорлықтың негізгі бастауы» атты IV республикалық жас патриоттар форумына қатысып, «Қазақстандық - жас патриоттар академиясының» куәлігі мен сертификаты және төсбелгісі тапсырылды. Мектеп мұғалімдерінің тұлға тәрбиелеудегі жетістігі деп мақтана аламыз.
Бұл форум оқушылардың бойындағы патриоттық сезімді, отансүйгіштік қасиеттерін қалыптастыру, терең білім алуларын қамтамасыз ету мақсатында ұйымдастырылды. Форумның салтанатты ашылуында «Жас патриоттар академиясының» 400 мүшесі, жетекшілер мен арнайы шақырылған құрметті қонақтар болды.
Сонымен қатар оқушылар көне Түркістан қаласының тарихи орындарын аралап, Орта Азиядағы ірі туристік «Керуен-сарай» кешенін тамашалады.