"30 кітап 30 ән" байқауы
Алматы қаласы, Түрксіб ауданы "Д.Бабаев атындағы №115 ЖББ мектепте" 3 сыныптар арасында жылдағы дәстүр бойынша "30 кітап, 30 ән" байқауы мен "Оқуға құштар мектеп" жобасы аясында кітапхана меңгерушісі Тоқсанбаева Дәмет Шәлібекқызы мен сынып жетекшілердің ұйымдастыруымен өтті. Сынып жетекшілер сыныпты безендіріп, жаңашыл әдістерді қолданды. Жүргізушілер кітаптың шығу тарихы туралы мәліметпен таныстырды. Әр сыныптың оқушылары өте жоғары дайындықпен келген. Оның ішінде 3"А" сынып оқушысы Ауған Диар С.Бегалин атындағы республикалық балалар кітапханасына барып, видео материал дайындап көрсетті. Оқушылар ертегілер мазмұнын айтып, өлең жолдарын жатқа айтты. Үздік оқырмандарды анықтап, мақтау қағазымен марапатталды. Оқушылар өздерінің оқыған ертегілері мен шығармалары жайында ата-аналар көмегімен портфолиоларын талапқа сай дайындаған. Демалыс кездерінде ертегі, әдеби кітаптарды оқып келесі сыныптар жалғастырады.