«МҰҚАҒАЛИ – МӘҢГІЛІК ҒҰМЫР» атты мектепішілік байқау өтті

Ақиық ақын Мұқағали Мақатаевтың туған күніне орай 13 ақпан күні мектебімізде «МҰҚАҒАЛИ – МӘҢГІЛІК ҒҰМЫР» атты мектепішілік байқау өтті. 

Мақсаты: Ғасырлар тоғысында ғасыр ақыны атанған Мұқағали Мақатаевтың ақындық талантын шәкірт жүрегіне ұялату, сол арқылы олардың бойында поэзия әлеміне, жалпы сөз өнеріне деген сүйіспеншілікті берік қалыптастыру. Сонымен қатар ақын сөзіне жазылған әндерді кеңінен насихаттау.

Байқау үш бөлімнен тұрып, мектептің 1-10 сынып оқушылары қатысты. Байқау шарты бойынша Мұқағали Мақатаевтың өлеңдерін мәнерлеп оқу, әндерін айту, ақын портретін немесе туған жерінің табиғатын салу керек.  Мектеп оқушылары белсене қатысып, жүзден жүйрік шыққандар мадақтамамен марапатталды.