Ата - аналар жиналысы

Алматы қаласы Білім басқармасының Қалалық білім берудегі жаңа технологияларды ғылыми-әдістемелік орталығы 14 қазан күні ювеналды полиция бөлімінің басшысы және психикалық сауықтыру орталығының бас дәрігерінің қатысуымен аутодеструктивті мінез-құлықтың алдын алу тақырыбында орта білім беру ұйымдарына арналған жалпы қалалық ата-аналар жиналысын өткізді.

Бұл жиналыстың мақсаты – ата-аналарға балалар мен жасөспірімдер арасындағы аутодеструктивті мінез-құлықты тану және оның алдын алу шаралары жөнінде ақпарат беру, сондай-ақ мұндай жағдайларда қалай әрекет ету керектігін түсіндіру. Жиында мамандар мәселенің өзектілігі, оның психикалық денсаулыққа әсері туралы баяндама жасады.