Жылы жүрек - жомарт қол
Д.Бабаев атындағы №115 жалпы білім беретін мектепте «Мектепке жол» Республикалық акциясы болып өтті.
«Қайырымдылық жасасаң, қайырымын өзің көресің!» - деген екен дана халық. Қайырымдылық - халқымыздың ең ізгі қасиеттерінің бірі. «Жанашырлыққа - жан риза» дегендей кемтар, жетім, көп балалы, қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу - әрбір адамның азаматтық парызы.
Акция барысында қол ұшын созған мейірімді жандардың қатарындағы Алматы қаласы Орталық мешітіне қарасты «Ихлас» қауымдастығы мен «Береке» қорының қызметкерлеріне алғысымыз шексіз. Олармектебіміздің көмекке мұқтаж оқушыларына сөмке мен сабаққа қажетті құрал-жабдықтарды алып беруге қол ұшын берді.